O‘ZBEKISTON RESPUBLIKASI SPORTNI RIVOJLANTIRISH VAZIRLIGI
JISMONIY TARBIYA VA SPORT BO‘YICHA MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Sayt test rejimida ishlamoqda
Jismoniy tarbiya va sport bo‘yicha mutaxassislarni qayta tayyorlash va malakasini oshirish institutining 6-sonli Ilmiy-metodik kengash yig‘ilishi 2022-yil 2 - iyul kuni bo‘lib o‘tdi.
  • 02-июл-2022, 16:30
  • admin
  • 261
  • 0

Jismoniy tarbiya va sport bo‘yicha mutaxassislarni qayta tayyorlash va malakasini oshirish institutining 6-sonli Ilmiy-metodik kengash yig‘ilishi 2022-yil 2 - iyul kuni bo‘lib o‘tdi.


2022-yil 2-iyun kuni Jismoniy tarbiya va sport bo‘yicha mutaxassislarni qayta tayyorlash va malakasini oshirish institutining ilmiy-metodik kengashi doirasida institutning professor-o‘qituvchisi pedagogika fanlari nomzodi, professor Paxridin Xodjayevni shaxsan, O‘zbekiston sport faxriylari kengashi raisi Bahodir Maxsitov “O‘ZBEKISTON SPORT FAXRIYSI” ko‘krak nishoni bilan taqdirladi.

Institutning Jismoniy tarbiya, sport nazariyasi va uslubiyati kafedrasi professor-o‘qituvchisi Ernazarov G‘olib Ne’matovich O‘zbekiston respublikasi Vazirlar Mahkamasi huzuridagi Oliy attestatsiya komissiyasi qaroriga asosan Pedagogika fanlari bo‘yicha falsafa doktori (PhD) diplomi 

hamda institutning Pedagogika-psixologiya kafedrasi mudiri Pulatov Jamshid Abdumajitovich O‘zbekiston Respublikasi Vazirlar Mahkamasi huzuridagi Oliy attestatsiya komissiyasi qaroriga asosan dotsent ilmiy unvoni berilganligi to‘g‘risidagi diplom bilan taqdirlandilar. 


Kengash yig‘ilishida asosiy kun tartibidagi masalalar doirasida so‘zga chiqqan institut direktori, professor I.Tursunaliyev hamda O‘zbekiston sport faxriylari kengashi raisi B.Maxsitov, Samarqand filiali professori X.Rafiyev, professor A.Talipdjanovlar mamlakatimizda jismoniy tarbiya va sport sohasini rivojlantirish borasida olib borilayotgan islohotlar to‘g‘risida o‘z mulohalarini bildirishdi. Jumladan, O‘zbekiston Respublikasi Prezidenti Shavkat Mirziyoyev raisligida 2022-yil 23-may kuni “Sportni ommalashtirish, sport ta’limini yaxshilash va iqtidorli sportchilarni tayyorlash” bo‘yicha o‘tkazilgan videoselektor yig‘ilishida berilgan topshiriqlar hamda O‘zbekiston Respublikasi Prezidentining 2022-yil 11-apreldagi “Mahallalarda yoshlarni ommaviy sportga jalb qilishni yangi bosqichga olib chiqish chora-tadbirlari to‘g‘risida” PQ–201-son, 2022-yil 6-iyundagi PQ-268-son “Davlat sport-ta’lim muassasalari faoliyatini mutlaqo yangi tizim asosida tashkil qilish chora-tadbirlari to‘g‘risida”gi qarorlarida belgilangan vazifalar ijrosini sifatli ta’minlash muhim masalalardan hisoblanadi. 

Bunda, mahallalarda yoshlarning ommaviy sport bilan shug‘ullanishlari uchun moddiy-texnik bazani mustahkamlash va sport inshootlarini zamonaviy sport jihozlari bilan ta’minlash, shuningdek, imkoniyati cheklangan yoshlar uchun tegishli sport infratuzilmasini yaratish, aholining keng qatlamlari, ayniqsa, yoshlar o‘rtasida sog‘lom turmush tarzini shakllantirish, ular o‘rtasida ommaviy sport musobaqalarini tashkil etish orqali yoshlarning ommaviy sportdagi ulushini oshirish bo‘yicha O‘zbekiston Respublikasi Sportni rivojlantirish vazirligi tomonidan amalga oshirilayotgan ishlar ko‘lami alohida e’tirof etildi.

         Yig‘ilishda Konstitutsiyani isloh qilish bo‘yicha maxsus komissiya tuzilganligi va faoliyati davrida aholining takliflari o‘rganilib, jamiyat hayotida yana bir muhim siyosiy jarayon ketayotganligi xususida ma’lumot berildi. Ta’kidlanishicha, Konstitutsiyaga kiritilayotgan o‘zgartirishlar «inson-jamiyat-davlat» prinsipiga asoslangan bo‘lib, milliy Konstitutsiyaviy o‘zlikni aks ettiradi va amaldagi Konstitutsiyaning barcha bo‘limlariga tub o‘zgartirishlar kiritishni nazarda tutadi. Bunda jismoniy tarbiya va sport sohasi vakillari ham faol ishtirok etishlari zarurligi ma’lum qilindi.

  Kengash yig‘ilishida 2022-yil yanvar-iyun oylarda o‘tkazilgan Ilmiy-metodik kengash qarorlari ijrosi, birinchi yarim yillik bo‘yicha Sport sohasi va Institut faoliyatiga oid O‘zbekiston Respublikasi Prezidentining Farmonlari, qarorlari va Vazirlar Mahkamasining qarorlari hamda Sportni rivojlantirish vazirligi topshiriqlari va buyruqlarining ijrosi, Jismoniy va yuridik shaxslarning murojaatlari va tegishli hujjatlar bilan ishlash sifati,  Davlat attestatsiya komissiyasi, malaka oshirish rejasining birinchi yarim yillikda qo‘yilgan vazifalarining bajarilishi hamda filiallar kesimida qayta tayyorlash va malaka oshirish kurslari rejasining bajarilish holati, birinchi yarim yillik yakuni bo‘yicha Institut va filiallarda o‘quv, ilmiy-uslubiy, ma’naviy-ma’rifiy tadbirlarni tashkil etilishi hamda moddiy texnik bazani mustahkamlash borasida amalga oshirilgan ishlar, ilmiy unvonga tavsiya etishsentabr-dekabr oylari o‘quv jarayoniga tayyorgarlik ko‘rish, unga zarur bo‘lgan o‘quv uslubiy ta’minot hamda barcha tadbirlarni amalga oshirishAxborot-resurs markazi faoliyati,  birinchi yarim yillikda shartnoma asosida qayta tayyorlash va malaka oshirish kurslarini tashkil etilishi, moddiy texnik bazani tashkillashtirish, ikkinchi yarim yillikda amalga oshiriladigan ishlar, professor-o‘qituvchilarning yozgi mehnat ta’tilini to‘g‘ri tashkil etish, birinchi yarim yillikda professor-o‘qituvchilarning shaxsiy ish rejalarini bajarilish holati, o‘quv-uslubiy hujjatlarni tasdiqlash, tegishli Vazirliklar bilan kelishuvga kiritish hamda o‘quv adabiyotlarini nashr etishga tavsiya etish kabi o‘ndan ortiq masalalar qizg‘in muhokama etildi hamda yarim yillik holat sarhisob qilindi. 

O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish inspeksiyasining 2022-yil fevral-mart oylarida o‘tkazgan tashqi baholash yakunlari bo‘yicha taqdimnomasi qabul qilinganligi. Unga ko‘ra institut tashqi baholash yakunlari bo‘yicha 90 ball bilan attestatsiyadan muvafaqqiyatli o‘tganligi ta’kidlandi.

Yarim yillik bo‘yicha yo‘l qo‘yilgan xato va kamchiliklar hamda O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish inspeksiyasining 2022-yil fevral-mart oylarida o‘tkazgan tashqi baholash yakunlari bo‘yicha taqdimnomasida, o‘rganish davrida aniqlangan  kamchiliklar bo‘yicha mas’ullarga tegishli intizomiy chora ko‘rilishi, yarim yillik bo‘yicha bajarilmay qolgan vazifalarni qisqa muddatda ijrosini ta’minlash bo‘yicha tegishli ko‘rsatmalar berildi. 



Boshqa yangiliklar

Sharhlar (0)


Sharh qoldiring

Kalendar 2022

«    Август 2022    »
ПнВтСрЧтПтСбВс
1234567
891011121314
15161718192021
22232425262728
293031