O‘ZBEKISTON RESPUBLIKASI SPORTNI RIVOJLANTIRISH VAZIRLIGI
JISMONIY TARBIYA VA SPORT BO‘YICHA MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Sayt test rejimida ishlamoqda!
Ippoterapiya mutaxassislari malakasini oshirish tizimi yaratiladi
  • 07-май-2022, 23:45
  • admin
  • 90
  • 0

Ippoterapiya mutaxassislari malakasini oshirish tizimi yaratiladi



Jismoniy tarbiya va sport bo‘yicha mutaxassislarni qayta tayyorlash va malakasini oshirish institutida 2022-yil 7-may kuni O‘zbekiston Respublikasi Prezidentining 2021 yil 5-avgustdagi “Chavandozlar maktablari faoliyatini tashkil etish chora-tadbirlari to‘g‘risida” PQ-5212-son qarori ijrosiga bag‘ishlangan yig‘ilish o‘tkazildi.

Yig‘ilishda, institut rahbariyati, O‘zbekiston Milliy Gvardiyasi rahbariyati, Milliy gvardiya tizimiga kiruvchi Chavandozlar maktablari rahbarlari, O‘zbekiston davlat jismoniy tarbiya vva sport universiteti, O‘zbek jang san’ati federatsiyasi, “Avlod baraka” Respublika nodavlat notijorat tashkilotidan vakillar ishtirok etishdi.

O‘zbekiston Respublikasi Prezidentining 2021 yil 5-avgustdagi “Chavandozlar maktablari faoliyatini tashkil etish chora-tadbirlari to‘g‘risida”  PQ-5212-son qaroriga binoan nevrologik, ruhiy va boshqa kasalliklarni davolash, jismoniy yoki ruhiy rivojlanishida nuqsoni bo‘lgan bolalarni (shu jumladan, ixtisoslashtirilgan ta’lim muassasalarida ta’lim olayotgan bolalarni) ippoterapiya uslubi yordamida tibbiy-ijtimoiy reabilitatsiya qilish bo‘yicha tizimli chora-tadbirlarni qabul qilish yig‘ilishning kun tartibidagi asosiy masalasi bo‘ldi. Bunda Milliy gvardiya tizimiga kiruvchi Chavandozlar maktablari uchun ippoterapiya mutaxassislarini tayyorlash masalasi atroflicha muhokama etildi.


Yig‘ilishda ishtirok etgan mutaxassislar quyidagilar xususida to‘xtalib o‘tishdi. Kelgusida Ippoterapiya markazlari tomonidan aholiga xizmat ko‘rsatish tartibini ishlab chiqish, bunda, Ippoterapiya markazlarida «Temir daftar»ga kiritilgan oilalarning farzandlariga bepul xizmat ko‘rsatish nazarda tutiladi. 

Ippoterapiya markazlarida hayvonlar yordamida noan’aviy usulda dorilarsiz davolash usuli rivojlantiriladi. Jumladan, ippoterapiya – otlar yordamida davolash. Bu usul harakat-tayanch apparatida muammosi bo‘lgan va aqliy-ruhiy buzilishlari mavjud bo‘lgan odamlarni davolash uchun qo‘llaniladi.



Ippoterapiya organizmning umumiy holatini yaxshilaydi, qon-tomirlar va muskullar gipertonusini bo‘shashtiradi. Nafas, yurak va harakat tizimi a’zolarining faoliyatini kuchaytiradi, tana holatini va koordinatsiyasini balansirovka qiladi, harakat reflekslarini yaxshilaydi.

Otlar bilan muloqot, ularni nazorat qilish va yoki ot ustida yurish quyidagi bir qator kasalliklarni davolaydi.

* Qonda qand miqdorini tushiradi;

* Muskullar tonusini oshiradi;

* Skolioz – umurtqa qiyshayishi uchun foydali;

* Oshqozon-ichaklar faoliyatini yaxshilaydi;

* Nevroz va depressiyaning oldini oladi;

* Erta keksayishning oldini oladi;

* Alkogolik va narkomanlarni reabilitatsiya qiladi.

Bolalar nevrologiyasi va psixiatriyasida ippoterapiya reabiliatsion usul sifatida bir qator kasalliklarda keng qo‘llaniladi.  

* DSP (bolalar serebral paralichi);

* Aqliy zaiflik;

* Autizm;

* Muskullar tonusining ortishi;

* Bronxial astma va boshqalar.

Nevrologik, ruhiy va boshqa kasalliklarni davolash, jismoniy yoki ruhiy rivojlanishida nuqsoni bo‘lgan bolalarni (shu jumladan, ixtisoslashtirilgan ta’lim muassasalarida ta’lim olayotgan bolalarni) ippoterapiya uslubi yordamida tibbiy-ijtimoiy reabilitatsiya qilishga alohida e’tibor qaratilishi ta’kidlandi. Shuningdek, yig‘ilishda ippoterapevlarni o‘qitish va tayyorlashning barcha darajalarida sport mahoratidan saboq berishning innovatsion metodikalarini ishlab chiqish va joriy etishga yo‘naltirilgan chuqur ilmiy-tadqiqotlar o‘tkazish; 

xalqaro ilg‘or tajribadan foydalanish, shuningdek yuqori darajaga ega bo‘lgan xorijiy va mamlakatimizning malakali amaliyotchi mutaxassislari va trenerlarini ta’lim jarayoniga shartnoma asosida jalb etgan holda ippoterapev trenerlar tarkibini malakasini oshirish;

aholiga xizmat ko‘rsatishni zamonaviy talablarga asoslangan holda tashkil etish, bolalarni sog‘lom va har tomonlama yetuk qilib voyaga yetkazish, ta’lim-tarbiya jarayoniga samarali ta’lim va tarbiya shakllari hamda usullarini joriy etish;

davlat ta’lim standartlari hamda kasbga doir bilim va ko‘nikmalarga qo‘yilgan talablar asosida qisqa muddatli maxsus kurslarni tashkil etish;

ippoterapev mutaxassislarni kasbiy, ma’naviy-axloqiy saviyasini oshirish, ilg‘or pedagogik texnologiyalarni joriy etish;

ippoterapevlarni o‘quv-mashg‘ulot jarayoniga, xususan amaliyot mashg‘ulotlariga zamonaviy innovatsion pedagogik texnologiyalarni, o‘qitishning samarali shakllari va usullarini joriy etish;

xalqaro aloqalarni kengaytirish va mustahkamlash, konferensiyalar va boshqa tadbirlar o‘tkazish orqali ippoterapiya sohasida mamlakatimiz yutuqlarini xalqaro darajada keng yoritish, xorijiy muassasalar bilan hamkorlik qilish kabi masalalar atroflicha muhokama etildi.

Yig‘ilish qizg‘in muhokamalar bilan o‘tdi. Savollarga javoblar yo‘llandi. Yig‘ilish so‘ngida manfaatdar vazirliklar bilan hamkorlikda qo‘shma qaror loyihasi tayyorlanishi lozimligi kelishib olindi.





Boshqa yangiliklar

Sharhlar (0)


Sharh qoldiring

Kalendar 2021

«    Май 2022    »
ПнВтСрЧтПтСбВс
 1
2345678
9101112131415
16171819202122
23242526272829
3031