O‘ZBEKISTON RESPUBLIKASI SPORTNI RIVOJLANTIRISH VAZIRLIGI
JISMONIY TARBIYA VA SPORT BO‘YICHA MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Sayt test rejimida ishlamoqda!
O‘zbekiston Milliy Olimpiya qo‘mitasi tashkil etilganligining  30 yilligi bilan tabriklaymiz
  • 06-май-2022, 12:30
  • admin
  • 69
  • 0

O‘zbekiston Milliy Olimpiya qo‘mitasi tashkil etilganligining 30 yilligi bilan tabriklaymiz


O‘zbekistonda sport - madaniyatning bir qismi hisoblanib, aholini ma’nan yetuk va jismonan sog‘lom etib tarbiyalashda asosiy vositalardan biri bo‘lib xizmat qilmoqda.

O‘zbekiston Respublikasi mustaqilligining dastlabki yillaridanoq mamlakatda jismoniy tarbiya va sport sohasini rivojlantirish davlat ahamiyatiga molik vazifa etib belgilandi. Xalqaro hamjamiyat orasida o‘zining boy tarixi, madaniyati va buyuk mutafakkir olimlari bilan bir qatorda, sport sohasida ulkan yutuqlarga erishgan mamlakat sifatida ham tan olindi va hamon e’tirof etib kelinmoqda. 

Mazkur ishlarni amalga oshirishda O‘zbekiston Milliy Olimpiya qo‘mitasining ham hissasi juda katta. Qo‘mitaning 30 yillik faoliyatiga nazar tashlasak, koʻpgina tarixiy yutuqlarni esga olishimiz mumkin. Oʻzbekiston Milliy Olimpiya qoʻmitasi 1992-yil tashkil etilgan bo‘lib, 1993-yil sentabr oyida Xalqaro Olimpiya qo‘mitasi tomonidan rasman tan olindi. Bu yil qo‘mita tashkil etilganligiga rasman 30 yil to‘ldi. 

Ortda qolgan davr mobaynida qo‘mitaga Obid Nazirov, Sobir Ro‘ziyev, Aziz Nosirov, Rustam Qurbonov, Malik Babayev, Mirabror Usmanov, Umid Ahmadjonov va Rustam Shoabdurahmonovlar rahbarlik qilishdi. Yillar davomida yurtimizda olib borilgan ulkan hajmli ishlar, olimpiya sport turlari rivojida mustahkam poydevor yaratdi. Buning natijasi o‘laroq, Olimpiya hamda Paralimpiya o‘yinlarida qo‘lga kiritilgan tarixiy g‘alabalarda Qo‘mita rahbarlari va ular bilan bir qatorda yelkama-yelka xizmat qilgan tashkilot mutaxassislarining ham xizmatlari e’tirofga loyiqdir. 

O‘tgan davr mobaynida O‘zbekiston olimpiya delegatsiyasi 7 ta qishki va 7 ta yozgi Olimpiya o‘yinlarida ishtirok etib, shu kunga qadar 13 ta oltin, 7 ta kumush va 21 ta bronza medallariga sazovor bo‘lishdi. Milliy Olimpiya qo‘mitasi ushbu natijalarni yildan-yilga yaxshilab borish maqsadida, sportchilarni saralash, iste’dodlilarni rag‘batlantirish va ularning faoliyatini yuqori boshqichga ko‘tarish yo‘lida Sportni rivojlantirish vazirligi, sport federatsiyalar va assotsiatsiyalar bilan birgalikda ish olib bormoqda.

Shu fursatdan foydalanib, sport va jismoniy madaniyatni rivojlanitirish, sogʻlom turmush tarzini targʻib qilish, Olimpiyadaga oid taʼlim, Olimpiya qadriyatlarini ommalashtirish, xalqaro aloqalarni mustahkamlash ishlarida ishtirok etish, sport trenerlari va sport tashkilotlarini qoʻllab-quvvatlash borasida samarali faoliyat yuritib kelayotgan O‘zbekiston Milliy Olimpiya qo‘mitasi tashkil topganligining 30 yilligi munosabati bilan, Jismoniy tarbiya va sport bo‘yicha mutaxassislarni qayta tayyorash va malakasini oshirish instituti jamoasi samimiy muborakbod etadi.


Boshqa yangiliklar

Sharhlar (0)


Sharh qoldiring

Kalendar 2021

«    Май 2022    »
ПнВтСрЧтПтСбВс
 1
2345678
9101112131415
16171819202122
23242526272829
3031