2021 yil 24 sentyabr kuni Nukus filialida xodimlar va sentyabr oyi  “Sport turlari bo‘yicha trener o‘qituvchilar” yo’nalishi  tinglovchilari uchun O‘zbekiston Respublikasi Prezidenti Shavkat Miromonovich Mirziyoyevning “Yangi O‘zbekiston Strategiyasi” nomli kitobining taqdimoti o‘tkazildi. Tadbirga filial direktorining o‘quv va ilmiy ishlari bo‘yicha o‘rinbosari J.B.Abatov rahbarlik qildi. Prezidentimiz kitobining taqdimoti “Ijtimoiy fanlar” kafedrasi professor-o‘qituvchilari tomonidan olib borildi. Mazkur kitobda Yangi O‘zbekiston va Uchinchi Renessans poydevorini barpo etish borasida amalga oshirilayotgan tub o‘zgarishlar va islohotlarning maqsadi, mazmun-mohiyati hamda ustuvor yo‘nalishlari, milliy taraqqiyotimiz istiqbollari haqida atroflicha fikr yuritilganligi alohida qayd etildi.