Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti “Sankt-Peterburg jismoniy tarbiya ilmiy-tadqiqot instituti” bilan 2021-yil 20-avgustdagi 12-21-sonli shartnomaga asosan  “Qo‘shimcha kasbiy ta’lim” yo‘nalishlari bo‘yicha institutda faoliyat olib borayotgan professor-o‘qituvchilar malakasini oshirish  bo‘yicha kelishuvga erishdi. Joriy yilning 25-avgustidan boshlab Sankt-Peterburg ilmiy-tadqiqot instituti tomonidan ishlab chiqilgan “Sportda psixologik tayyorgarlik (24 soat)”, “Maktab yoshidagi bolalarning jismoniy tarbiya va sog‘lomlashtirish texnologiyalari (24 soat)”, “Hududlarda aholining turli ijtimoiy guruhlari bilan jismoniy tarbiya va sog‘lomlashtirish darslarini tashkil etish va o‘tkazish (16 soat)” masofaviy kurslarida Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti va uning filiallarida faoliyat olib borayotgan jami 31 nafar professor-o‘qituvchilar o‘qishmoqda.