O‘ZBEKISTON RESPUBLIKASI TURIZM VA SPORT VAZIRLIGI
JISMONIY TARBIYA VA SPORT BO‘YICHA MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Sayt test rejimida ishlamoqda!


O‘zbekiston Respublikasi Turizm va Sport Vazirligi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti tarixi haqida qisqacha
MA’LUMOT;

Jismoniy tarbiya va sport bo‘yicha mutaxassislarni qayta tayyorlash va malakasini oshirish jarayoni 2013-yilga qadar O‘zbekiston davlat jismoniy tarbiya institutida malaka oshirish fakultetida tashkil etilgan.

Oliy ta’lim muassasalari pedagog kadrlarini qayta tayyorlash va ularning malakasini oshirish tizimini yanada takomillashtirish maqsadida O‘zbekiston Respublikasi Prezidentining 2011-yil 20-maydagi PQ-1533-son “Oliy ta’lim muassasalarining moddiy-texnika bazasini mustahkamlash va yuqori malakali mutaxassislar tayyorlash sifatini tubdan yaxshilash chora-tadbirlari to‘g‘risida”gi qarori ijrosi yuzasidan Vazirlar Mahkamasining 2012-yil 26-sentabrdagi 278-son “Oliy ta’lim muassasalari pedagog kadrlarini qayta tayyorlash va ularning malakasini oshirish tizimini yanada takomillashtirish chora-tadbirlari to‘g‘risida”gi qarori qabul qilingan. Qarorga asosan Malaka oshirish fakulteti tugatilib, O‘zbekiston davlat jismoniy tarbiya instituti huzuridagi pedagog kadrlarni qayta tayyorlash va malakasini oshirish tarmoq markazi tashkil etilgan. Tarmoq markazida OTM, O‘MKHT muassasalarining jismoniy tarbiya fani professor-o‘qituvchilari malakasi oshirilgan.

Vazirlar Mahkamasining 2014-yil 2-dekabrdagi 327-sonli “Jismoniy tarbiya va sport bo‘yicha mutaxassislarni ilmiy-metodik ta’minlash, qayta tayyorlash va ularning malakasini oshirishning zamonaviy tizimini yaratish to‘g‘risida”gi qarori asosida “Pedagog kadrlarni qayta tayyorlash va ularning malakasini oshirish Tarmoq markazi”, 2015-yil 1-yanvardan “O‘zbekiston davlat jismoniy tarbiya instituti huzuridagi Jismoniy tarbiya va sport bo‘yicha mutaxassislarni ilmiy-metodik ta’minlash, qayta tayyorlash va ularning malakasini oshirish markazi”ga aylantirilgan. Markazda OTM, O‘MKHT muassasalari jismoniy tarbiya fani professor-o‘qituvchilari, sport ta’limi muassasa(ROSMM, OSMM, IBO‘SM)larining direktor, direktor o‘rinbosarlari, instruktor-metodist va trener-o‘qituvchilari malakalarini oshirishgan.

O‘zbekiston Respublikasi Prezidentining 2017-yil 15-fevraldagi PQ-2779-son “O‘zbekiston Respublikasi Jismoniy tarbiya va sport davlat qo‘mitasi faoliyatini tashkil etish to‘g‘risida”gi qarori ijrosi yuzasidan, Vazirlar Mahkamasining 2017-yil 31-maydagi 329-sonli “O‘zbekiston davlat Jismoniy tarbiya instituti huzuridagi Jismoniy tarbiya va sport bo‘yicha mutaxassislarni ilmiy-metodik ta’minlash, qayta tayyorlash va malakasini oshirish markazi faoliyatini takomillashtirish to‘g‘risida”gi qarori qabul qilingan. Markazda OTM, O‘MKHT muassasalari jismoniy tarbiya fani professor-o‘qituvchilari hamda sport ta’limi muassasalari (ROSMM, OSMM, IBO‘SM, BO‘SM)ning direktor, direktor o‘rinbosarlari, instruktor-metodist va trener-o‘qituvchilari malakasi oshirilgan.

O‘zbekiston Respublikasi Prezidentining 2018-yil 5-martdagi PF-5368-son “O‘zbekiston Respublikasi Jismoniy tarbiya va sport vazirligini tashkil etish to‘g‘risida”gi farmonida O‘zbekiston davlat jismoniy tarbiya instituti huzuridagi Jismoniy tarbiya va sport bo‘yicha mutaxassislarni ilmiy-metodik ta’minlash, qayta tayyorlash va malakasini oshirish markazini Vazirlik tasarrufiga berish, uni Toshkent shahar, Shayxontohur tumani, Ko‘kcha Darvoza ko‘chasi, 27-uy manzilda joylashtirish, Nukus, Samarqand va Farg‘ona shaharlarida uning filiallarini tashkil etish belgilangan.

Mazkur Farmon ijrosi yuzasidan, Vazirlar Mahkamasining 2018-yil 14-avgustda 658-sonli “O‘zbekiston Respublikasi Jismoniy tarbiya va sport vazirligi huzurida jismoniy tarbiya va sport bo‘yicha mutaxassislarni ilmiy-metodik ta’minlash, qayta tayyorlash va malakasini oshirish markazi faoliyatini yanada takomillashtirish to‘g‘risida”gi qarori qabul qilingan.

Qarorga muvofiq Markazda 

(1) Maktabgacha ta’lim tashkilotlarining jismoniy tarbiya instruktorlari

(2) Umumta’lim maktablarining jismoniy tarbiya fani o‘qituvchilari

(3) Akademik litseylarning jismoniy tarbiya o‘qituvchilari

(4) Kasb-hunar ta’limi jismoniy tarbiya o‘qituvchi(kafedra mudir)lari; 

(5) Oliy ta’lim muassasalarining jismoniy tarbiya o‘qituvchi(kafedra mudir, dekan, dekan o‘rinbosar)lari; 

(6) Sport ta’limi muassasa (ROSMM, IOZMI, OSMM, OMSTIDMI, IBO‘SM, BO‘SM)larining rahbar kadrlari, instruktor-metodistlari, maxsus fan o‘qituvchilari  va trener-o‘qituvchilari

(7) Jismoniy tarbiya va sport sohasidagi nodavlat sport tashkilot(federatsiya, uyushma, klublar, sog‘lomlashtirish markaz)larining trener, trener-instruktorlarining tizimlashtirilgan malakasi oshirish jarayoni yo‘lga qo‘yilgan.

Shuningdek, (8) Davlat xavfsizlik xizmati, (9) Milliy gvardiya, (10) Mudofaa vazirligi va (11) Ichki ishlar vazirligi, (12) Davlat bojxona qo‘mitasi tizimidagi tashkilotlarda faoliyat ko‘rsatayotgan jismoniy tarbiya o‘qituvchilari, trener, trener-instruktorlari hamda (13) O‘zbekiston Respublikasi mudofaasiga ko‘maklashuvchi “Vatanparvar” tashkilotining sportning texnik va amaliy turlari bo‘yicha rahbar o‘rinbosarlari, trener, trener-instruktorlarining malakasi oshirilmoqda.

Markazda:

(1) oliy ma’lumotli sportchilar uchun 3 oylik “Sport psixologiyasi”, “Sport pedagogikasi”, “Sport tibbiyoti”, “Sport menejmenti” va “Sport turlari bo‘yicha trenerlar” maxsus o‘quv kurslari; 

(2) o‘rta-maxsus ma’lumotli sportchilar uchun 6 oylik “Sport psixologiyasi”, “Sport pedagogikasi”, “Sport tibbiyoti”, “Sport menejmenti” va “Sport turlari bo‘yicha trenerlar” maxsus o‘quv kurslari; 

(3) o‘rta ma’lumotli sportchilar uchun 10 oylik “Sport turlari bo‘yicha trenerlar” maxsus o‘quv kurslari; 

(4) oliy ma’lumotli pedagoglar uchun 22 haftalik “Jismoniy tarbiya fanini o‘qitish huquqini berish bo‘yicha” kasbiy qayta tayyorlash o‘quv kurslari yo‘lga qo‘yilgan.

Hozirgi kunda Markaz tasarrufida 2016-yilda kapital ta’mirlangan zamonaviy o‘quv bino, unda o‘quv standartlariga muvofiq jihozlangan ARM, 160 o‘rinli faollar zali, 16 ta o‘quv auditoriya, 11 ta o‘quv yordamchi xona, shuningdek, alohida kapital ta’mirlangan 160 o‘rinli tinglovchilar turar joyi mavjud.

Ayni vaqtda Respublika bo‘yicha 76 000 nafardan ziyod jismoniy tarbiya va sport bo‘yicha mutaxassislar faoliyat ko‘rsatmoqda. Ular har 5 yilda kamida bir marta Markaz va uning filiallarida tashkil etiladigan malaka oshirish kurslariga jalb etiladi. Yiliga o‘rtacha 15 000 nafar soha mutaxassislarining malakasi oshirib kelinmoqda. Markazning o‘zida yiliga o‘rtacha 4 000 (oyiga 400) nafar mutaxassislarni malakasi oshiriladi. 

Malaka oshirish o‘quv jarayoniga oliy sport mahorati maktablari, sport turlari bo‘yicha federatsiya(uyushma)lardan yetakchi amaliyotchi mutaxassislar (milliy terma jamoa trenerlari) ko‘chma mashg‘ulotlar, sport pedagogik mahoratini oshirish hamda pedagogik amaliyotni tashkil etish ishlariga muntazam jalb etib kelinmoqda.



шаблоны DleФотошоп ОнлайнМониторинг игр с выводом денегHTML шаблоны скачать бесплатно
шаблоны DleФотошоп ОнлайнМониторинг игр с выводом денегHTML шаблоны скачать бесплатно