O‘ZBEKISTON RESPUBLIKASI SPORTNI RIVOJLANTIRISH VAZIRLIGI
JISMONIY TARBIYA VA SPORT BO‘YICHA MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Sayt test rejimida ishlamoqda
Jismoniy tarbiya va sport bo'yicha mutaxassislarni qayta tayyorlash va malakasini oshirish institutida xorijiy adabiyotlar taqdimoti bo'lib o'tdi.
  • 22-сен-2022, 19:35
  • admin
  • 130
  • 0

Jismoniy tarbiya va sport bo'yicha mutaxassislarni qayta tayyorlash va malakasini oshirish institutida xorijiy adabiyotlar taqdimoti bo'lib o'tdi.

So'ngi yillarda yurtimizda sport ta'limi tizimini tubdan takomillashtirish hamda jismoniy tarbiya va sport sohasida adabiyotlar, o'quv qo'llanmalari yaratish, sohadagi yetakchi xorijiy olimlarning adabiyotlari bilan tanishish va xarid qilish, ularni o'zbek tiliga tarjima qilish bo'yicha bir qancha samarali ishlar olib borilmoqda.  Bu borada O‘zbekiston Respublikasi Prezidentining 2021-yil 2-noyabrdagi "Sport-ta’lim muassasalari faoliyatini 2025-yilgacha rivojlantirish dasturi to'g'risida"gi PQ-5280-son qarori, O'zbekiston Respublikasi Vazirlar Mahkamasining 2022-yil 4-iyuldagi "Jismoniy tarbiya va sport bo'yicha mutaxassislarni qayta tayyorlash va malakasini oshirish tizimini yanada takomillashtirish chora-tadbirlari to'g'risida"gi  355-son qarorida ham sport ta'lim muassasalarini eng so'ngi o'quv adabiyotlar bilan ta'minlashga alohida e'tibor qaratib o'tilgan. Shu munosabat bilan, 2022-yil 22-sentabr kuni Jismoniy tarbiya va sport bo'yicha mutaxassislarni qayta tayyorlash va malakasini oshirish institutida ham bir qancha xorijiy adabiyotlar taqdimoti bo'lib o'tdi. Pedagogika fanlari doktori, professor Kerimov Fikret Azizovich va Rossiyaning "Sport" nashriyoti xodimi  Rubio-Barra Maksim Ruslanovich bilan hamkorlikda tashkil etilgan ushbu taqdimotda institutda malaka oshirayotgan sport ta'lim muassasalari direktorlari va instruktor metodistlar ishtirok etdi. Ularga jismoniy tarbiya sport ta'limi yo'nalishida yetakchi olimlar V.N.Platonov, L.P.Matveyev, F.A.Iordanskaya, Y.V.Melnik, V.K.Safonov, Y.B.Myakinchenko, V.G.Tyunkov va boshqalar tomonidan yaratilgan adabiyotlar hamda o'quv qo'llanmalar tanishtirib o'tilib, sohada bu kabi adabiyotlarning o'rni nadaqar yuqori ekani ta'kidlab o'tildi. Qolaversa, ishtirokchilarga adabiyotlar va mualliflarning kengaytirilgan ro'yxati hamda katalogi taqdim etildi. Tadbir qatnashchilari o'zlarini qiziqtirgan savollarga javob oldilar.

Boshqa yangiliklar

Sharhlar (0)


Sharh qoldiring

Kalendar 2022

«    Сентябрь 2022    »
ПнВтСрЧтПтСбВс
 1234
567891011
12131415161718
19202122232425
2627282930