O‘ZBEKISTON RESPUBLIKASI SPORTNI RIVOJLANTIRISH VAZIRLIGI
JISMONIY TARBIYA VA SPORT BO‘YICHA MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Sayt test rejimida ishlamoqda
Olimpiada o'yinlari sovrindori Ixtiyor Navro'zov bilan uchrashuv tashkil etildi
  • 21-сен-2022, 20:00
  • admin
  • 113
  • 0

Olimpiada o'yinlari sovrindori Ixtiyor Navro'zov bilan uchrashuv tashkil etildi

O'zbekiston Respublikasi Vazirlar Mahkamasining 2022-yil 4-iyuldagi "Jismoniy tarbiya va sport bo'yicha mutaxassislarni qayta tayyorlash va malakasini oshirish tizimini yanada takomillashtirish chora-tadbirlari to'g'risida"gi   355-son qaroriga muvofiq, Jismoniy tarbiya va sport bo'yicha mutaxassislarni qayta tayyorlash va malakasini oshirish institutida jahon arenalarida yurtimiz bayrog'ini baland ko'tarib kelayotgan taniqli sportchilar, jahon, Osiyo va Olimpiada o'yinlari g'olib va sovrindorlari bilan birgalikda uchrashuvlar hamda mahorat darslari muntazam o'tkazib kelinmoqda.  

Xususan, 2022-yil 21-sentabr kuni ham Institutda tashkil etilgan uchrashuv mehmoni taniqli erkin kurash ustasi Ixtiyor Navro'zov bo'ldi.  

Ixtiyor Navro'zov 1989-yil Buxoro viloyatida tug'ilgan. U faoliyati davomida Osiyo chempionati va Osiyo o'yinlari, jahon chempionatlarida bir necha bor shohsupaga ko'tarilgan. Ayniqsa 2016-yil Rio Olimpiadasida -65 kg vazn toifasida bronza medali uchun bahsda Mo'g'uliston vakili ustidan ajoyib tarzda erishgan g'alabasi hamon barchaning yodida. U erishgan muvaffaqiyatlari va yurtimiz sha'nini jahon maydonlarida munosib himoya qilib kelayotganligi uchun "O'zbekiston Respublikasida xizmat ko'rsatgan sportchi" faxriy unvoni bilan taqdirlangan.  

Institut professor-o'qituvchilari va tinglovchilar ishtirokida o'tgan tadbirda Navro'zov sportga ilk qadamlari, Olimpiadagacha bo'lgan yo'li, qiyinchiliklar va musobaqalarga tayyorganlik jarayonlari hamda bosqichlari haqida so'zlab berdi. Shuningdek, ishtirokchilar tomonidan berilgan savollarga ham javob qaytardi. Tadbir yakunida faol ishtirok etgan tinglovchilarga esdalik sovg'alari topshirildi.


Boshqa yangiliklar

Sharhlar (0)


Sharh qoldiring

Kalendar 2022

«    Сентябрь 2022    »
ПнВтСрЧтПтСбВс
 1234
567891011
12131415161718
19202122232425
2627282930