O‘ZBEKISTON RESPUBLIKASI SPORTNI RIVOJLANTIRISH VAZIRLIGI
JISMONIY TARBIYA VA SPORT BO‘YICHA MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Sayt test rejimida ishlamoqda
Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti hamda O‘zbekiston dzyudo federatsiyasi mutasaddilari o‘rtasida uchrashuv bo‘lib o‘tdi
  • 26-июл-2022, 20:00
  • admin
  • 172
  • 0

Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti hamda O‘zbekiston dzyudo federatsiyasi mutasaddilari o‘rtasida uchrashuv bo‘lib o‘tdi

Yurtimizda sportning barcha sohalarini rivojlantirish, aholini sportga ommaviy tarzda jalb qilish orqali kelajagimiz egalari boʻlgan yosh avlodni har jihatdan yetuk va komil insonlar sifatida ulgʻaytirish, jahon arenalarida o‘zbek sportchilari g‘alabalari salmog‘ini oshirishga yuksak darajada eʼtibor qaratilmoqda. Bu borada sport ta’lim muassasalari hamda sport federatsiyalarining ham o‘rni beqiyosdir.

Bugun, 26-iyul kuni O‘zbekiston dzyudo federatsiyasi hamda Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti mutasaddilari o‘rtasida uchrashuv tashkil qilindi. 

  Uchrashuvda yurtimizda dzyudo sport turi rivojiga alohida e’tibor qaratilayotganligi ta'kidlab o‘tilib, O‘zbekiston Respublikasi Prezidentining 2022-yil 20-iyundagi “Dzyudo sport turini yanada rivojlantirish chora-tadbirlari to‘g‘risida”gi PQ-286-son qarorida belgilangan vazifalar ijrosini ta’minlash yuzasidan kadrlar tayyorlash, murabbiylar malakasini oshirish jarayonlari, ilmiy, oʻquv-uslubiy ishlar borasida o‘zaro hamkorlikni yanada kengaytirish masalalari muhokama qilindi.   Shuningdek, trenerlarni qayta tayyorlash va malakasini oshirishda yakuniy test va suhbat jarayonlarini federatsiya mutaxassislari bilan birgalikda tashkil etish, dzyudo bo‘yicha taniqli sportchilar va institut tinglovchilari o‘rtasida uchrashuvlar, mahorat darslari hamda davra suhbatlari tashkil etish, mutaxassis va professor-o‘qituvchilarning o‘zaro tajriba almashishlarini yo‘lga qo‘yish, sohaga doir adabiyotlar, uslubiy qo‘llanmalar yaratish, xorijiy mutaxassislar ishtirokida ma’ruzalar, ilmiy-amaliy anjumanlar tashkil qilishga kelishib olindi. 

Uchrashuv yakunida O‘zbekiston dzyudo federatsiyasi hamda Jismoniy tarbiya va sport boʻyicha mutaxassislarni qayta tayyorlash va malakasini oshirish instituti oʻrtasida oʻzaro hamkorlikni yoʻlga qoʻyish toʻgʻrisida memorandum imzolanib, kelishuv ikkala tomon uchun ham manfaatli boʻlishi taʼkidlandi.



Boshqa yangiliklar

Sharhlar (0)


Sharh qoldiring

Kalendar 2022

«    Август 2022    »
ПнВтСрЧтПтСбВс
1234567
891011121314
15161718192021
22232425262728
293031