O‘ZBEKISTON RESPUBLIKASI SPORTNI RIVOJLANTIRISH VAZIRLIGI
JISMONIY TARBIYA VA SPORT BO‘YICHA MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Malaka oshirish institutida iqtidorli sportchilarni aniqlash, tanlash va saralash masalalari muhokama etildi.
  • 17-июн-2022, 18:53
  • admin
  • 105
  • 0

Malaka oshirish institutida iqtidorli sportchilarni aniqlash, tanlash va saralash masalalari muhokama etildi.

Jismoniy tarbiya va sport bo‘yicha mutaxassislarni qayta tayyorlash va malakasini oshirish institutida 2022 yil 10 iyun kuni institut ma’muriyati, Vazirlar Mahkamasidan R.Talipov, Sportni rivojlantirish vaziri maslahatchisi A.Karimov, Milliy Olimpiya qo‘mitasi raisi o‘rinbosari, O‘zbekiston taekvondo WT assotsiatsiyasi raisi Sh.Tashmatovlar   hamda Olimpiya va paralimpiya zaxiralari kollejlari ishtirokida yig‘ilish o‘tkazildi. 
Yig‘ilish kun tartibidagi asosiy masala sifatida, bolalar va yoshlarning maktabdan tashqari sport ta’limi tizimini tubdan takomillashtirish orqali iqtidorli sportchilarni aniqlash, tanlash va saralash (seleksiya)ning yangi mexanizmlarini joriy qilish, sportchilarning Olimpiya va Paralimpiya, Osiyo va Paraosiyo o‘yinlarida, boshqa nufuzli xalqaro musobaqalarda ishtirok etishi hamda yuqori natijalarga erishishini ta’minlash, bu borada trener va sport mutaxassislari mehnatini adolatli asosda rag‘batlantirish bo‘yicha 2022 yil 6 iyunda imzolangan O‘zbekiston Respublikasi Prezidentining “Davlat sport-ta’lim muassasalari faoliyatini mutlaqo yangi tizim asosida tashkil qilish chora-tadbirlari to‘g‘risida”gi PQ-268-son ijrosi keng muhokama etildi. 


Bunda olimpiya va paralimpiya zaxiralari kollejlari negizida olimpiya va paralimpiya sport turlariga tayyorlash markazlari  tashkil etilishi nazarda tutilganligi bois, olimpiya va paralimpiya sport turlariga tayyorlash markazlari faoliyati yuzasidan kelgusida amalga oshiriladigan ishlarni maqsadli tashkil etish lozimligi ta’kidlandi. 

Qabul qilingan qaror doirasida olimpiya va paralimpiya sport turlariga tayyorlash markazlarida o‘qish jarayoni 2 ta bosqichda amalga oshirilishi bunda, birinchi bosqichda 5 — 11-sinflar uchun Olimpiya maktablari, ikkinchi bosqichda 1-2-kurslar uchun Olimpiya va Paralimpiya kollejlari faoliyat ko‘rsatishi, olimpiya va paralimpiya sport turlariga tayyorlash markazlarining Vasiylik kengashlariga Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari rahbarlik qilishi, olimpiya maktabining 5-sinfiga sport maktablarida yaxshi natija ko‘rsatgan yoshlar, aholining jismoniy tayyorgarlik darajasini baholash tizimi bo‘yicha sport sinovlarini muvaffaqiyatli topshirgan va yuqori iqtidorga ega bo‘lgan hamda o‘qish istagini bildirgan o‘quvchilar tanlov asosida qabul qilinishi belgilangan.



Boshqa yangiliklar

Sharhlar (0)


Sharh qoldiring

Kalendar 2022

«    Июль 2022    »
ПнВтСрЧтПтСбВс
 123
45678910
11121314151617
18192021222324
25262728293031