Jismoniy tarbiya va sport bo‘yicha mutaxassislarni qayta tayyorlash va malakasini oshirish institutida 2022 yil 12 may kuni may oyi umumta’lim maktablarining jismoniy tarbiya fani o‘qituvchilari bilan tanishuv yig‘ilishi tashkil etildi.

         Yig‘ilishda direktorning o‘quv ishlari bo‘yicha o‘rinbosari A.Amonov, direktorning ilmiy-metodik ishlar bo‘yicha o‘rinbosari Z.Rasulov, kafedra mudirlari O.Jumanov, F.Abdullaev, A.Xasanov, J.Pulatovlar, guruh kuratorlari hamda 100 nafar jismoniy tarbiya fani o‘qituvchilari ishtirok etishdi.

         Kun tartibidagi aosisy masala sifatida O‘zbekiston Respublikasi Vazirlar Mahkamasining 2018-yil 14-avgustdagi “O‘zbekiston Respublikasi Jismoniy tarbiya va sport vazirligi huzurida Jismoniy tarbiya va sport bo‘yicha mutaxassislarni ilmiy-metodik ta’minlash, qayta tayyorlash va malakasini oshirish instituti faoliyatini yanada takomillashtirish to‘g‘risida”gi 658-sonli qaroriga muvofiq umumta’lim maktablari jismoniy tarbiya fani o‘qituvchilari malakasini oshirish tizimidagi yangiliklar, yaratilayotgan shart-sharoitlar muhokama qilindi.

Yig‘ilishda so‘zga chiqqan direktorning o‘quv ishlari bo‘yicha o‘rinbosari A.Amonov, malaka oshirish kursi tinglovchilari uchun yaratilgan shart-sharoitlar, o‘quv auditoriyalari, o‘quv reja va dasturlarning mazmun mohiyati, malaka oshirish kursi tinglovchilarining majburiyatlari, chiqish testlari jarayonidagi holatlar hamda tinglovchilar turar joyi yuzasidan axbrot berdi. Z.Rasulov tomonidan o‘quv adabiyotlari yaratilishi, axborot resurs markazi faoliyati, ko‘chma mashg‘ulotlar tashkil etilishi holati hamda tinglovchilar ishtiroki kabi masalalar xususida to‘xtaldi.

         Tinglovchilar o‘zlarini qiziqtirgan masalalar yuzasidan savollarga javob olishdi.