Xotira va qadrlash - inson aql-zakovatining betakror ma'naviy ne'matlari, tirikligining azaliy me'zonlaridir.

Yurtimizda har yili 9-may – Xotira va qadrlash kuni umumxalq bayrami sifatida keng nishonlanishi ham bejizga emas. Binobarin, Ikkinchi jahon urushidagi tarixiy g‘alabani ta’minlashda yurtdoshlarimizning ham jasorat va xizmatlari beqiyos bo‘lgan. Jangu jadallarda jon olib-jon bergan minglab o‘zbek o‘g‘lonlari, shuningdek, front ortida tunni tongga ulab mehnat qilgan, rizqu nasibasini o‘zgalar bilan baham ko‘rgan mehri daryo vatandoshlarimiz matonati va fidoyiliklari hech qachon unutilmaydi.

Qolaversa, mustaqil Vatanimiz sarhadlari daxlsizligi va farovonligi yoʻlida oʻz hizmat vazifalarini bajarishda jon fido qilgan vatandoshlarimiz va yurtimiz ravnaqi yoʻlida fidoyilik bilan mehnat qilib kelayotgan jonkuyar insonlar, mehnat faxriylari qahramonligi biz uchun doimo qadrlidir. 

Shu fursatdan foydalanib, bugungi - "Xotira va qadrlash kuni" bilan barchani Jismoniy tarbiya va sport boʻyicha mutaxassislarni qayta tayyorlash va malakasini oshirish instituti jamosi nomidan samimiy muborakbod etamiz. Yurtimiz tinch, osmonimiz musaffo boʻlsin.

Buyuk g‘alabani buyuk jasoratli insonlar ta’minlagan va biz, minnatdor avlodlar bu fidoyi yurtdoshlarimizni doimo ulug‘laymiz, ularning beqiyos matonati va xotirasi oldida hurmat bilan bosh egamiz.