O‘ZBEKISTON RESPUBLIKASI TURIZM VA SPORT VAZIRLIGI
JISMONIY TARBIYA VA SPORT BO‘YICHA MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Sayt test rejimida ishlamoqda!
Islohotlar amalda: olimpiya va paralimpiya sport turlari bo‘yicha kuchli sportchilar zaxirasi shakllantirilmoqda
  • 13-янв-2022, 09:00
  • admin
  • 23
  • 0

Islohotlar amalda: olimpiya va paralimpiya sport turlari bo‘yicha kuchli sportchilar zaxirasi shakllantirilmoqda

Mamlakatimizda sport ta’limi sohasini rivojlantirish, xalqimizni sportga ommaviy tarzda jalb etish, yosh avlodni har jihatdan yetuk va komil insonlar sifatida ulgʻaytirishga yuksak darajada eʼtibor qaratilmoqda. Bu borada sport-ta’lim muassasalari faoliyatini takomillashtirish, kadrlar salohiyatini yanada oshirish, iqtidorli yoshlarni aniqlash, kuchli olimpiya zaxirasini yaratish orqali sportchilarning Olimpiya va Paralimpiya, Osiyo va Paraosiyo o‘yinlarida, jahon chempionatlarida va boshqa yirik xalqaro musobaqalarda ishtirok etishi hamda yuqori natijalarga erishishini ta’minlash asosiy maqsad qilib olingan.


Mazkur vazifalar ijrosini samarali bajarish maqsadida joriy yilning 12-yanvar sanasida Jismoniy tarbiya va sport boʻyicha mutaxassislarni qayta tayyorlash va malakasini oshirish instituti hamda Respublika olimpiya zaxiralari kolleji mutasaddilari oʻrtasida uchrashuv boʻlib oʻtdi. Unda tomonlar sherikchilik asosida o‘zaro ilmiy tadqiqotlarni tashkil etish, davlat, xalqaro, jamoat va xususiy fondlar va tashkilotlar tomonidan e’lon qilingan grantlar, loyihalarda birgalikda ishtirok etish, mahalliy va xorijiy mutaxassislar ishtirokida qo‘shma konferensiyalar, davra suhbatlari, simpoziumlar, o‘quv seminarlari, ochiq darslar, mahorat darslari, qo‘shma yozgi maktablar va malaka oshirish kurslarini tashkil etish, o‘zaro kelishuv asosida mutaxassislar uchun treninglar tashkil etish toʻgʻrisida fikr almashdilar. 


Uchrashuvda ilmiy axborotlar, nashrlar, materiallar va bilimlar almashinuviga ko‘maklashish, shuningdek, ilmiy va axborot-kutubxona institutlari va tadqiqot laboratoriyalariga tadqiqotlar o‘tkazish uchun kirishni tashkil etishga ko‘maklashish, talabalarni fundamental va amaliy tadqiqotlarning ustuvor yo‘nalishlari bo‘yicha ilmiy-tadqiqot ishlariga jalb qilish borasida kelishuvga erishildi. Shuningdek, suhbat davomida mutaxassislarini tayyorlash, qayta tayyorlash, malakasini oshirish boʻyicha o‘zaro hamkorlik olib borish har ikki tomon uchun ham foydali bo‘lishi taʼkidlandi. 


Uchrashuv yakunida Jismoniy tarbiya va sport boʻyicha mutaxassislarni qayta tayyorlash va malakasini oshirish instituti hamda Respublika olimpiya zaxiralari kolleji oʻrtasida oʻzaro hamkorlikni yoʻlga qoʻyish toʻg‘risida Memorandum imzolandi.


Boshqa yangiliklar

Sharhlar (0)


Sharh qoldiring

Kalendar 2021

«    Январь 2022    »
ПнВтСрЧтПтСбВс
 12
3456789
10111213141516
17181920212223
24252627282930
31