O‘ZBEKISTON RESPUBLIKASI TURIZM VA SPORT VAZIRLIGI
JISMONIY TARBIYA VA SPORT BO‘YICHA MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Sayt test rejimida ishlamoqda!
Hududlarda Prezident qarorlarining ijrosi yuzasidan o‘quv-seminarlar o‘tkazilmoqda
  • 12-янв-2022, 16:40
  • admin
  • 97
  • 0

Hududlarda Prezident qarorlarining ijrosi yuzasidan o‘quv-seminarlar o‘tkazilmoqda

Hududlarda Prezident qarorlarining ijrosi yuzasidan o‘quv-seminarlar o‘tkazilmoqda

O‘zbekiston Respublikasi Prezidentining 2021-yil 5-noyabrdagi “Sport ta’limi tizimini tubdan takomillashtirish orqali Olimpiya va Paralimpiya sport turlari bo‘yicha sportchilar zaxirasini shakllantirish sifatini yanada oshirish chora-tadbirlari to‘g‘risida”gi, “Sport-ta’lim muassasalari faoliyatini 2025-yilgacha rivojlantirish dasturi to‘g‘risida”gi, “2024-yil Parij shahrida (Fransiya) bo‘lib o‘tadigan XXXIII yozgi Olimpiya va XVII Paralimpiya o‘yinlariga O‘zbekiston sportchilarini kompleks tayyorlash to‘g‘risida”gi hamda “Yurish, yugurish, mini-futbol, badminton, stritbol va “Workout” sport turlarini yanada rivojlantirish chora-tadbirlari to‘g‘risida”gi qarorlari ijrosi yuzasidan 15-17-dekabr kunlari Andijon, Namangan va Farg‘ona viloyatlarida, 2022-yil 10-yanvar kuni Qoraqalpog‘iston Respublikasi, Samarqand va Toshkent viloyatlarida o‘quv-seminarlari tashkil etildi.


Qoraqalpog‘iston Respublikasida o‘quv-seminar Jismoniy tarbiya va sport bo‘yicha mutaxassislarni qayta tayyorlash va malakasini oshirish institutining Nukus filiali ma’sul xodimlari tomonidan Qo‘ng‘irot tumani Madaniyat saroyida, institutning Samarqand filiali ma’sul xodimlari tomonidan Samarqand viloyati Kattaqo‘rg‘on shahridagi Majidiy nomli drama teatri binosida hamda institut professor-o‘qituvchilari ishtirokida Toshkent viloyati Bo‘ka tumani hokimligining majlislar zalida o‘tkazildi.














Qo‘ng‘irot tumani Madaniyat saroyida o‘tkazilgan o‘quv-seminarda Qoraqalpog‘iston Respublikasi Turizm va sport bosh boshqarmasi huzuridagi Qo‘ng‘irot, Mo‘ynoq, Shumanay va Qanliko‘l tumanlari bolalar-o‘smirlar sport maktablari rahbar va trener xodimlaridan iborat jami 75 nafar ishtirokchi qatnashgan bo‘lsa, Samarqand viloyatida Kattaqurg‘on shahri, Kattaqurg‘on, Ishtixon, Narpay, Paxtachi, Nurobod, Pastdarg‘om tumanlari bolalar-o‘smirlar sport maktablaridan 250 nafar trener-o‘qituvchilar, shuningdek Bo‘ka tumanidagi seminarda Toshkent viloyatining Piskent, Bekobod, Oqqo‘rg‘on, Quyi Chirchiq, O‘rta Chirchiq tumanlari va Bekobod shahridan 300 nafardan sport mutaxassislari jalb etildi.










O‘quv-seminarlarga Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti va uning Nukus, Samarqand filiallaridan malakali mutaxassislar jalb etildi. Jumladan, Toshkent viloyati Bo‘ka tumanida direktorning ilmiy-metodik ishlari bo‘yicha o‘rinbosari, pedagogika fanlari bo‘yicha falsafa doktori (PhD) Z.Rasulov, pedagogika fanlari nomzodi, dotsent F.Abdullayev, dotsent A.Xasanov va boshqalar ishtirok etishdi.







Seminarda Prezidentimiz tomonidan imzolangan qarorlarning mazmun-mohiyati xususida axborot berildi. Jumladan, sport-ta’lim muassasalari faoliyatini yanada takomillashtirish, iqtidorli yoshlarni aniqlash, tanlash va saralash (seleksiya)ning raqamlashtirilgan yangi tizimini joriy qilish, kuchli olimpiya zaxirasini yaratish orqali sportchilarning Olimpiya va Paralimpiya, Osiyo va Paraosiyo o‘yinlarida, jahon chempionatlarida va boshqa yirik xalqaro musobaqalarda ishtirok etishi hamda yuqori natijalarga erishishini ta’minlash, sport-ta’lim muassasalari faoliyatini rivojlantirishining o‘rta va uzoq muddatli istiqbollarini belgilash, ularda olimpiya va paralimpiya sport turlari bo‘yicha sportchilar zaxirasini tayyorlash uchun zarur sharoitlar yaratish, shu jumladan ularni boshqarish va moliyalashtirish tizimini takomillashtirish, moddiy-texnik bazasini takomillashtirish va sport ta’lim sifatini yanada oshirish bo‘yicha batafsil ma’lumot berildi.


O‘quv-seminarlar davomida ishtirokchilarining taklif va fikr-mulohazalari ham tinglandi hamda trenerlarini attestatsiyadan o‘tkazish mezonlari bo‘yicha qiziqtirgan savollarga to‘liq javob berildi. Shuningdek, ishtirokchilar tomonidan O‘zbekiston Respublikasi Prezidentining 2021-yil 5-noyabrda qabul qilingan qarorlari ijrosi yuzasidan mavjud muammo va sohani rivojlantirishga oid takliflar bildirildi.




Boshqa yangiliklar

Sharhlar (0)


Sharh qoldiring

Kalendar 2021

«    Январь 2022    »
ПнВтСрЧтПтСбВс
 12
3456789
10111213141516
17181920212223
24252627282930
31