O‘ZBEKISTON RESPUBLIKASI SPORTNI RIVOJLANTIRISH VAZIRLIGI
JISMONIY TARBIYA VA SPORT BO‘YICHA MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Sayt test rejimida ishlamoqda
O‘zbekiston Respublikasi Prezidenti qarorlarining mazmun-mohiyatini soha vakillari va keng jamoatchilikka yetkazish maqsadida, Andijon, Farg‘ona, Namangan viloyatlari Turizm va sport bosh boshqarmalarida o‘quv seminarlari tashkil etildi
  • 18-дек-2021, 21:20
  • admin
  • 800
  • 0

O‘zbekiston Respublikasi Prezidenti qarorlarining mazmun-mohiyatini soha vakillari va keng jamoatchilikka yetkazish maqsadida, Andijon, Farg‘ona, Namangan viloyatlari Turizm va sport bosh boshqarmalarida o‘quv seminarlari tashkil etildi

Joriy yilning 15-17-dekabr kunlari Turizm  va sport sohasiga oid me’yoriy-huquqiy hujjatlarni hayotga tadbiq etish va soha mutaxassislarini bilim, malaka ko‘nikmalarini shakllantirish bo‘yicha chora-tadbirlar rejasiga muvofiq, O‘zbekiston Respublikasi Prezidentining 2021-yil 5-noyabrdagi PQ-5279-son “Sport ta’limi tizimini tubdan takomillashtirish orqali olimpiya va paralimpiya sport turlari bo‘yicha sportchilar zaxirasini shakllantirish sifatini yanada oshirish chora-tadbirlari to‘g‘risida”gi, PQ-5280-son “Sport-ta’lim muassasalari faoliyatini 2025-yilgacha rivojlantirish dasturi to‘g‘risida”gi, PQ-5281-sonli “2024-yil Parij shahrida (Fransiya) bo‘lib o‘tadigan XXXIII yozgi Olimpiya va XVII Paralimpiya o‘yinlariga O‘zbekiston sportchilarini kompleks tayyorlash to‘g‘risida”gi hamda “Yurish, yugurish, mini-futbol, badminton, stritbol va “workout” sport turlarini yanada rivojlantirish chora-tadbirlari to‘g‘risida”gi PQ-5282-sonli qarorlarining mazmun-mohiyatini soha vakillari va keng jamoatchilikka yetkazish maqsadida, Andijon, Farg‘ona, Namangan viloyatlari Turizm va sport bosh boshqarmalarida o‘quv seminarlari tashkil etildi. 









Seminarda O‘zbekiston Respublikasi  Turizm va sport vazirining o‘rinbosari A.Aqqulov, Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti direktori I.Tursunaliyev, institutning Farg‘ona filiali professor-o‘qituvchilari, Turizm va sport bosh boshqarmalari vakillari, viloyat sport ta’lim muassasalari rahbarlari, o‘rinbosarlari, uslubchilar va sport trenerlari ishtirok etishdi. 










Seminarni Turizm va sport vazirining o‘rinbosari A.Aqqulov ochib, Prezidentimiz tomonidan imzolangan qarorlarning mazmun-mohiyati xususida to‘xtaldi. Jumladan, sport-ta’lim muassasalari faoliyatini yanada takomillashtirish, iqtidorli yoshlarni aniqlash, tanlash va saralash (seleksiya)ning raqamlashtirilgan yangi tizimini joriy qilish, kuchli olimpiya zaxirasini yaratish orqali sportchilarning Olimpiya va Paralimpiya, Osiyo va Paraosiyo o‘yinlarida, jahon chempionatlarida va boshqa yirik xalqaro musobaqalarda ishtirok etishi hamda yuqori natijalarga erishishini ta’minlash,   sport-ta’lim muassasalari faoliyati rivojlanishining o‘rta va uzoq muddatli istiqbollarini belgilash, ularda olimpiya va paralimpiya sport turlari bo‘yicha sportchilar zaxirasini tayyorlash uchun zarur shart-sharoitlar yaratish, shu jumladan ularni boshqarish va moliyalashtirish tizimini takomillashtirish, shuningdek, moddiy-texnik va resurs imkoniyatlarini yanada kengaytirish bo‘yicha batafsil ma’lumot berildi.



Seminar qatnashchilariga kun tartibidagi masalalar yuzasidan I.Tursunaliyev ma’ruzasi eshitildi. I.Tursunaliyev barcha sport turlarini rivojlantirish orqali yozgi Olimpiya va Paralimpiya o‘yinlarida qatnashish huquqini beruvchi litsenziyalar sonini ko‘paytirish, 2024-yil Parij shahrida (Fransiya) bo‘lib o‘tadigan XXXIII yozgi Olimpiya va XVII Paralimpiya o‘yinlariga (keyingi o‘rinlarda — Olimpiya va Paralimpiya o‘yinlari) sportchilarimizning har tomonlama tayyorligi va muvaffaqiyatli ishtirokini ta’minlash masalalari yuzasidan qarorlarda belgilangan vazifalar bilan seminar qatnashchilarini tanishtirdi.






Sohaga oid Prezident qarorlari mazmun-mohiyati bo‘yicha Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti Farg‘ona filiali professor-o‘qituvchilari tomonidan tushunchalar berildi. Shuningdek, sohaga oid mavjud muammo va sohani rivojlantirishga oid takliflar yuzasidan fikr-mulohazalar bildirildi. 




O‘quv seminarlari respublikaning boshqa viloyatlarida ham bo‘lib o‘tishi rejalashtirilgan.

Boshqa yangiliklar

Sharhlar (0)


Sharh qoldiring

Kalendar 2022

«    Сентябрь 2022    »
ПнВтСрЧтПтСбВс
 1234
567891011
12131415161718
19202122232425
2627282930