O‘ZBEKISTON RESPUBLIKASI TURIZM VA SPORT VAZIRLIGI
JISMONIY TARBIYA VA SPORT BO‘YICHA
MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Sayt test rejimida ishlamoqda!
Tokio-2020: O‘zbekiston Paralimpiya o‘yinlarini 16-o‘rinda yakunladi
  • 07-сен-2021, 11:59
  • admin
  • 64
  • 0

Tokio-2020: O‘zbekiston Paralimpiya o‘yinlarini 16-o‘rinda yakunladi

Tokio-2020: O‘zbekiston Paralimpiya o‘yinlarini 16-o‘rinda yakunladi

Bir necha kun diqqatimiz markazida bo‘lgan Tokio-2020 Paralimpiya o‘yinlari ham o‘z yakuniga yetdi. Unda O‘zbekiston jamoasi medallar jamlanmasi bo‘yicha umumjamoa jadvalida Riodagi o‘rnini saqlab qoldi.

      Delegatsiyamiz ushbu Paralimpiya o‘yinlariga 48 sportchi bilan 55 ta yo‘llanma qo‘lga kiritgan edi. Yakunda esa jamoamiz 8 ta oltin, 5 ta kumush va 6 ta bronza, jami 19 ta medalga sazovor bo‘ldi. Bu esa umumjamoa hisobida 162 delegatsiya orasida musobaqani 16-o‘rinda yakunlashimizni ta’minladi. Bu ko‘rsatkich Osiyo jamoalari (Xitoy, Yaponiya va Erondan so‘ng) va MDH (Rossiya, Ukraina va Ozarbayjondan keyin) mamlakatlari orasida to‘rtinchi, Markaziy Osiyo va Turkiy xalqlar orasida birinchi bo‘ldi. Qayd etish joiz, Rio-2016 Paralimpiya o‘yinlarida ham 8 ta oltin medal bilan 16-o‘rinni band etgan edik.


Mamlakatimizda so‘nggi yillarda jismoniy imkoniyati cheklangan va nogironligi bo‘lgan shaxslarni har tomonlama qo‘llab-quvvatlash, ayniqsa ular orasida Paralimpiya harakatini yanada rivojlantirishga alohida e’tibor qaratmoqda. Para atletlarimizning nufuzli musobaqalarga har tomonlama puxta tayyorgarlik ko‘rishlari uchun barcha sharoitlar yaratib berilmoqda. Tokio-2020 Paralimpiya o‘yinlarida erishgan tarixiy g‘alabalarimiz ham ana shu e’tiborining samarasidir.


6-avgust kuni Tokio-2020 yozgi Paralimpiya o‘yinlaridan qaytib kelgan matonatli sportchilarimiz Islom Karimov nomidagi Toshkent xalqaro aeroportida tantanali ravishda kutib olindi. Ularni O‘zbekiston Respublikasi Bosh vazirining o‘rinbosari – turizm va sport vaziri A.Abduxakimov boshchiligidagi keng sport jamoatchiligi, OAV vakillari va blogerlar kutib olishdi.

XVI-yozgi Paralimpiya o‘yinlarining g‘olib va sovrindorlariga Prezident sovg‘alari ulashildi. Unga ko‘ra, oltin medal sohiblarining har biriga Tahoe avtomobili, 200 ming AQSh dollari hamda Toshkent shahridan 3 xonali uy, kumush medal egalariga Traverse avtomobili, 100 ming dollar va Toshkent shahridan 2 xonali uy, hamda bronza medalini qo‘lga kiritgan sportchilarga esa “Trailblazer” avtomobili, 50 ming dollar va Toshkent shahridan 1 xonali uyning kalitlari taqdim etildi. Sovg‘alarni O‘zbekiston Respublikasi Bosh vaziri A.Aripov hamda Oliy Majlis spikeri N.Ismoilovlar tantanali ravishda topshirishdi.



 


Oltin medal sohiblari:

1. Feruz Sayidov 

2. Uchqun Quronboev

3. Nozimaxon Qayumova

4. Bobirjon Omonov

5. Mohigul Hamdamova

6. Husniddin Norbekov 

7. Safiya Burxanova

8. Guljanoy Naimova


Kumush medal sohiblari:

1. Parvina Samandarova 

2. Dovurxon Karomatov

3. Ro‘za Qo‘zieva 

4. Asila Mirzayorova 

5. Nurxon Qurbonova


Bronza medal sohiblari:

1. Islam Aslanov

2.Shohsanamxon Toshpo‘latova

3. Nafisa Sheripboeva

4. Sharif Halilov

5. Elbek Sultonov


Boshqa yangiliklar

Sharhlar (0)


Sharh qoldiring

Kalendar 2021

«    Сентябрь 2021    »
ПнВтСрЧтПтСбВс
 12345
6789101112
13141516171819
20212223242526
27282930