O‘ZBEKISTON RESPUBLIKASI TURIZM VA SPORT VAZIRLIGI
JISMONIY TARBIYA VA SPORT BO‘YICHA
MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


O‘zbekistonlik harbiylar triatlon bo‘yicha Jahon chempionatida muvaffaqiyat qozonishdi
  • 07-июл-2021, 10:23
  • admin
  • 35
  • 0

O‘zbekistonlik harbiylar triatlon bo‘yicha Jahon chempionatida muvaffaqiyat qozonishdi

Shu yilning 3-4-iyul kunlari Ispaniyaning ummon bag‘rida joylashgan Lansarot orolida triatlon sport turi bo‘yicha harbiy xizmatchilar o‘rtasida 22-jahon chempionati o‘tkazildi. Xalqaro harbiy sport kengashining (CISM) sport musobaqalari kalendar rejasidan o‘rin olgan mazkur musobaqa anʼanaviy tarzda har 4 yilda o‘tkazib kelinadi.

Nufuzli musobaqada AQSH, Rossiya, Yevropaning bir qator davlatlari, jami 14ta mamlakatdan kelgan 154 nafar eng kuchli triatlonchilar g‘oliblik uchun kurash olib borishdi.

Jahon chempionatida ishtirokchilar 4 km masofaga suzish, 180 km masofani velosipedda bosib o‘tish hamda marafon, yaʼni 42 km 195 metr masofani yugurib o‘tish bo‘yicha o‘zaro musobaqalashdi.

Ushbu nufuzli musobaqada yurtimiz sportchilari ilk marotaba ishtirok etayotgan bo‘lsa-da, terma jamoamiz aʼzolari g‘alabaga bo‘lgan irodasini namoyon etishdi va umumjamoa hisobida Rossiya Federatsiyasi vakillaridan so‘ng 2-o‘rinni egallashdi. Yurtdoshimiz, harbiy xizmatchi Alina Hakimova shaxsiy birinchilikda 2-o‘rinni qo‘lga kiritgan bo‘lsa, 18-24 yoshgacha bo‘lgan sportchilar orasida 1-o‘ringa loyiq ko‘rildi. Shuningdek, Alina joriy yil oktyabr oyida AQSHning Gavayi orollariga qarashli Kona shahrida bo‘lib o‘tadigan triatlon bo‘yicha jahon chempionatida ishtirok etish huquqini beruvchi litsenziyaga ham ega bo‘ldi.

Jahon chempionatida terma jamoamiz vakillari triatlon bo‘yicha dunyoda kuchli hisoblangan Ispaniya, Fransiya, Germaniya, Belgiya, Vengriya kabi mamlakatlarning sportchilarini ortda qoldirishdi.

Nufuzli musobaqada yuksak natija ko‘rsatgan vakillarimiz bugun Islom Karimov nomidagi Toshkent xalqaro aeroportida tantanali kutib olindi. Marosimda mamlakatimiz sport mutasaddilari, harbiy xizmatchilar va sportchilarning yaqinlari ishtirok etdi.




Boshqa yangiliklar

Sharhlar (0)


Sharh qoldiring

Kalendar 2021

«    Июль 2021    »
ПнВтСрЧтПтСбВс
 1234
567891011
12131415161718
19202122232425
262728293031