O‘ZBEKISTON RESPUBLIKASI TURIZM VA SPORT VAZIRLIGI
JISMONIY TARBIYA VA SPORT BO‘YICHA
MUTAXASSISLARNI QAYTA TAYYORLASH
VA MALAKASINI OSHIRISH INSTITUTI


Sayt test rejimida ishlamoqda!
2021- yil 20-aprel kuni Markazda Huquqiy madaniyatni yuksaltirish hamda xodimlarining huquqiy savodxonligini yanada oshirish choralari haqida
  • 20-апр-2021, 09:54
  • admin
  • 263
  • 0

2021- yil 20-aprel kuni Markazda Huquqiy madaniyatni yuksaltirish hamda xodimlarining huquqiy savodxonligini yanada oshirish choralari haqida

Huquqiy ong va huquqiy madaniyatini yuksaltirishda ommaviy axborot vositalarining rolini yanada kuchaytirish, qonun hujjatlari va huquqni qo‘llash amaliyotini keng muhokama qilishning zamonaviy shakllarini joriy etish lozim.

Shu maqsadlarda ommaviy ahborot vositalarida “Mening ovozim”, “Odamlar orasida”, “Tadbirkorlardan savol”, “Xalqdan savol”, “Tet-a-tet” kabi tok-shou dasturlari tashkil etilishi kerak.

  2020-2021 yillarda jamiyatda huquqiy madaniyatni yuksaltirish bo‘yicha chora-tadbirlar dasturi tasdiqlanib, unga ko‘ra ”Jamiyatda huquqiy ong va huquqiy madaniyatni yuksaltirishning dolzarb masalalari” mavzusida sotsiologik so‘rov o‘tkazildi,  fuqarolarning huquqiy maslahatga bo‘lgan ehtiyojini masofaviy tarzda qondirish maqsadida telegram messenjerida @huquqiy_maslahatbot, @notariusmaslahatibot, @davxizmataloqa_bot kabi telegram botlari ochildi.

Markazda Huquqiy targ‘ibot sohasida ishlar olib borilib, har bir yangi qonun hujjatining mazmuni shu nomli faylga muntazam joylashtirib boriladi. 

Davlat tashkiloti xodimlarining huquqiy savodxonligiga qo‘yiladigan minimal talablarni belgilashni nazarda tutuvchi Hukumat qarori qabul qilindi.

O‘zbekiston Respublikasi Vazirlar Mahkamasining
 2021-yil 13-martdagi “D
avlat tashkilotlari xodimlarining huquqiy savodxonligini yanada oshirish chora-tadbirlari to‘g‘risida”gi 134-sonli qarori   bilan:

Davlat tashkilotlari xodimlarining huquqiy savodxonligi darajasini oshirish Davlat xizmatining yagona elektron-axborot tahlil tizimidagi «Davlat tashkiloti xodimlarini sinovdan o‘tkazish moduli» orqali Adliya vazirligi tomonidan tayyorlanadigan huquqiy savodxonlikka oid o‘quv dasturi bo‘yicha o‘quv mashg‘uloti materiallarini mustaqil o‘zlashtirib borish yo‘li bilan amalga oshiriladi.

Davlat tashkilotlari xodimlarining huquqiy savodxonligi darajasini baholash (test sinovlari orqali) har uch yilda bir marta Adliya vazirligi tomonidan tegishli davlat tashkiloti bilan kelishilgan holda tasdiqlanadigan reja-grafik asosida tashkil etiladi.

Davlat tashkilotlari rahbarlari o‘z xodimlarining huquqiy savodxonligi muntazam ravishda oshirib borilishini ta’minlashga shaxsan mas’ul va javobgar hisoblanadi.

Adliya vazirligi tomonidan davlat tashkilotlari xodimlarining huquqiy savodxonligi darajasini baholash yakunlari bo‘yicha umumiy natijalar puxta tahlil qilingan holda, uning doimiy monitoringi yuritiladi. Bunda, monitoring natijalari yuzasidan.

Yuqori natijani qayd etgan davlat tashkilotlarining ijobiy tajribalarini boshqa davlat tashkilotlari faoliyatiga ham joriy etish va past ko‘rsatkich sabablarini bartaraf etish bo‘yicha uslubiy ko‘rsatmalar hamda takliflar ishlab chiqiladi va davlat tashkilotlari faoliyatiga tatbiq etish choralari ko‘riladi;

davlat tashkilotlariga baholashdan o‘tmagan xodimlarning o‘qitilishi va qayta baholashdan o‘tkazilishiga oid ko‘rsatma beradi;

davlat tashkilotlarining xodimlarni o‘qitish tizimini kuchaytirish bo‘yicha tavsiyalar ishlab chiqiladi va davlat tashkilotlariga yuboriladi.

Adliya vazirligi tomonidan davlat tashkilotlari xodimlarining huquqiy savodxonligini baholash natijalari yuzasidan Vazirlar Mahkamasi hamda O‘zbekiston Respublikasi Prezidenti huzuridagi Davlat xizmatini rivojlantirish agentligiga baholash o‘tkazilgan yilning yakunlari bo‘yicha tahliliy ma’lumot kiritib boriladi.


Boshqa yangiliklar

Sharhlar (0)


Sharh qoldiring

Kalendar 2021

«    Сентябрь 2021    »
ПнВтСрЧтПтСбВс
 12345
6789101112
13141516171819
20212223242526
27282930